Wutoru, 24. junija 2025, 19:00 hodź. zaspěwachmy zjawnje w nowej komunikaciskej arenje. Běše to zdobom naša poslednja proba, prjedy hač so do lětnjeje přestawki rozžohnowachmy. Spěwachmy woblubowane (ludowe) spěwy ze šěrokeho repertoira chóra. Zdobom spytachmy „wuslědźić“, hdźe je akustika na nowym arealu najlěpša. Tuž spěwachmy tež bjez zesylnjaka a wótřerěčakow. Běše to wječork k wjeselu za sebje, za nimoducych a susodow. Tež hosćo přichwatachu…

Dźakujemy so wutrobnje Felizitas Birkhofenowej, zo smědźachmy jeje krasny wobraz za zarjadowanski lětak wužiwać! Zapopadnyła je wona motiw z kćějacym makom spočatk junija.