Po hodownych dnjach přeprošuje naš chór Lipa wšitkich zajimcow do Róžanta. Po dobrej tradiciji chcemy tam na nyšporje hodowne kěrluše zanjesć. Nimo Lipjanow zaspěwa kwartet PoŠtyrjoch a zahraja pišćele, kaž tež smyčkowy kwartet. Wjeselimy so na Waš wopyt, srjedu, dnja 28.12.22 w 17:30 hodź. w putniskej cyrkwi.
„Israelowa zrudoba a tróšt” je duchowny oratorij wuznamneho serbskeho komponista Korla Awgusta Kocora po słowach swjateho pisma. Při tym wupyta Kocor sam městna pismow stareho testamenta. Dokelž pak wón jenož małki dźěl orchestrowaše, je so komponist a dirigent Stefan Malzew z tym zaběrał. Mjez 1989 a 1990 nasta tak skutkowny oratorij, kiž na Kocorowej originalnej… Weiterlesen Duchowny oratorij Kocora so wot wubranki pjeć serbskich chórow a solistow přednjese
Za wšěch přećelow chóroweje hudźby skići so hižo bórze dołho wočakowana přiležnosć. Naš chór Lipa wustupi njedźelu, dnja 08.05.2022, w Lipsku. Chcemy tam hromadźe z našimi našimi přećelemi wot chóra Markklebeerger Vocalisten wulki dwurěčny koncert wuhotować. Tuž wjeselće so na rjany nalětni wulět na dnju maćerje do Lipska. Wjele wjesela!
K přihotam na předstajenje oratorija „Israelowa zrudoba a tróšt“ słušeše tež přednošk fararja Daniela Dzikiwicza, kiž je nam wobsah twórby z teologiskeho wida zbližił. Wědźachmy, zo su teksty wuwzate ze Stareho zakonja. Tola přiznawamy, zo nam dołho tak cyle jasne njebě, što to wobspěwamy. Nětko po přednošku pak smy čwak mudriši: Oratorij poćahuje so na… Weiterlesen Israelowa zrudoba a tróšt [3/3] – Wo čo dźe?
Bjezdwěla: Nazwučowanje Kocoroweho oratorija „Israelowa zrudoba a tróšt“ běše za nas wužadanje. Hižo mjeno oratorija přeradźeše, zo njebudźe to runjewon wjesołe mědlizanje. Zo njebychmy stajnje wo „zrudobje“ rěčeć trjebali, zjednorichmy za sebje najprjedy raz titul a mjenowachmy twórbu wotnětka luboznje „IZAT“. To bě spočatk lěta 2017, jako započinachmy prěnjej čisle oratorija zwučować. Spěšnje spóznachmy, zo… Weiterlesen Israelowa zrudoba a tróšt – Kak smy sej oratorij nazwučowali [2/3]
Jenož hišće jedyn a poł tydźenja a potom budźe tak daloko: Předstajimy oratorij Korle Awgusta Kocora „Israelowa zrudoba a tróšt“, na kotryž smy so tak dołho přihotowali! My Lipjenjo zanjesemy jón zhromadnje z chórom „Meja“ a spěwarjemi a hudźbnikami Serbskeho ludoweho ansambla – a to sobotu, 6. apryla, wječor w 19:00 hodź. w Chróšćan cyrkwi… Weiterlesen Pozadki oratorija Israelowa zrudoba a tróšt [dźěl 1/3]
Wón so hižo zaso bliži – naš kóždolětny hodowny nyšpor w Róžeńće. To tež rěka, zo so nimo wšěch adwentničkow, nimo honjenja rumpodicha a druhich hodownych přihotow, hižo cyłu chwilu za tutón nyšpor zaspěwamy a so pilnje přihotujemy. Njedźelu, 30. hodownika chcemy rady serbske a słowjanske melodije zaspěwać a to zaso za dobry skutk. Po… Weiterlesen Hodowny nyšpor 2018
Přeprošujemy wutrobnje na „nócny koncert“ sobotu, 01.09.2018 we Worklečan parku za kapałku. Lubowarjo chóroweje hudźby móža so na rjany wječor pod hołym njebjom w sćinje swěčki wjeselić. Koncert so w 21.30 hodź. započnje. K tomu předawaja so napoje. Zastup so zběra (5,00€). Wjeselimy so na was!
Na lětušim hodownym nyšporu so kaž kóžde lěto při durjach pjenjezy za dobry skutk hromadźa. My mamy zbožo, zo mamy z našej spěwarku Christinu w pomocnym projekće angažowanu młodu žonu, kotraž cyle praktisce jako baba w Malawi žonam a dźěćom pomha. Nimo toho so wo to postara, zo ludźo wo projekće zhonja a předstawu wo… Weiterlesen Pomoc za Malawi!
chor-lipa.com 