Na swojej swojej hłownej zhromadźiznje 21. januara 2025 w awli šule w Pančicach-Kukowje zhladowaše předsydstwo chóra “Lipa” na minjene lěto a informowaše sobustawow wo předewzaćach w nowym lěće.Kónc lěta měješe towarstwo 71 čłonow, wot toho 57 aktiwnych spěwarjow, kotrychž nawjeduje Jadwiga Kaulfürstowa. Beno Waurich z Jawory bu jako předsyda znowa woleny. Wón wukonja tute čestnohamtskezastojnstwo… Weiterlesen Předsydstwo zhladuje na lěto 2024 a předstaji předewzaća za nowe lěto

Jara so my hižo na was wjeselimy, lubi hosćo. Wšako chcemy my Lipjenjo po wuspěšnym koncerće z našimi přećelemi w lěće 2020 skónčnje zaso w Haslowje hromadźe hudźić a spěwać. Na naš lětuši koncert sobotu, dnja 13.04.24, wječor w 19.00 hodź, smy sej skupinu PoŠtyrjoch přeprosyli, kiž zanjesu někotre ze swojich lóštnych štučkow. Kaž stajnje… Weiterlesen Skónčnje zaso naš wulki koncert w Haslowje: Lipa@přećel.jo

Po hodownych dnjach přeprošuje naš chór Lipa wšitkich zajimcow do Róžanta. Po dobrej tradiciji chcemy tam na nyšporje hodowne kěrluše zanjesć. Nimo Lipjanow zahraja pišćele, kaž tež smyčkowy kwartet. Wjeselimy so na Waš wopyt, štwórtk, dnja 28.12.23 w 17:30 hodź. w putniskej cyrkwi. Při slědowacej kolekće maće składnosć za dobry socialny skutk darić.

Hdyž po dołhej zymje wšitke štomy a kwětki zaso kćěja wjeselimy so na zhromadne popołdnjo w klóšterskej zahrodźe. Naš chór Lipa wita was z rjanymi lóštnymi spěwami do najrjeńšeho počasa. A wězo smy sej tež lětsa zaso hosći na naš koncert přeprosyli: tež ći najmjeńši so hižo na Was, lubi hosćo, wjesela. Dajće sej lubić… Weiterlesen Nalětni koncert z chórom Lipa w klóšterskej zahrodźe w Pančicach-Kukowje

Za wšěch přećelow chóroweje hudźby skići so hižo bórze dołho wočakowana přiležnosć. Naš chór Lipa wustupi njedźelu, dnja 08.05.2022, w Lipsku. Chcemy tam hromadźe z našimi našimi přećelemi wot chóra Markklebeerger Vocalisten wulki dwurěčny koncert wuhotować. Tuž wjeselće so na rjany nalětni wulět na dnju maćerje do Lipska. Wjele wjesela!