Po hodownych dnjach přeprošuje naš chór Lipa wšitkich zajimcow do Róžanta. Po dobrej tradiciji chcemy tam na nyšporje hodowne kěrluše zanjesć. Nimo Lipjanow zaspěwa kwartet PoŠtyrjoch a zahraja pišćele, kaž tež smyčkowy kwartet. Wjeselimy so na Waš wopyt, srjedu, dnja 28.12.22 w 17:30 hodź. w putniskej cyrkwi.
K přihotam na předstajenje oratorija „Israelowa zrudoba a tróšt“ słušeše tež přednošk fararja Daniela Dzikiwicza, kiž je nam wobsah twórby z teologiskeho wida zbližił. Wědźachmy, zo su teksty wuwzate ze Stareho zakonja. Tola přiznawamy, zo nam dołho tak cyle jasne njebě, što to wobspěwamy. Nětko po přednošku pak smy čwak mudriši: Oratorij poćahuje so na… Weiterlesen Israelowa zrudoba a tróšt [3/3] – Wo čo dźe?
Bjezdwěla: Nazwučowanje Kocoroweho oratorija „Israelowa zrudoba a tróšt“ běše za nas wužadanje. Hižo mjeno oratorija přeradźeše, zo njebudźe to runjewon wjesołe mědlizanje. Zo njebychmy stajnje wo „zrudobje“ rěčeć trjebali, zjednorichmy za sebje najprjedy raz titul a mjenowachmy twórbu wotnětka luboznje „IZAT“. To bě spočatk lěta 2017, jako započinachmy prěnjej čisle oratorija zwučować. Spěšnje spóznachmy, zo… Weiterlesen Israelowa zrudoba a tróšt – Kak smy sej oratorij nazwučowali [2/3]
Jenož hišće jedyn a poł tydźenja a potom budźe tak daloko: Předstajimy oratorij Korle Awgusta Kocora „Israelowa zrudoba a tróšt“, na kotryž smy so tak dołho přihotowali! My Lipjenjo zanjesemy jón zhromadnje z chórom „Meja“ a spěwarjemi a hudźbnikami Serbskeho ludoweho ansambla – a to sobotu, 6. apryla, wječor w 19:00 hodź. w Chróšćan cyrkwi… Weiterlesen Pozadki oratorija Israelowa zrudoba a tróšt [dźěl 1/3]
Štó sy? Rěkam Uwe Pjetaš a přindu z Pančic. Što je twój nadawk w Lipje? Najprjedy jónu spěwam jara rady w Lipje. Připódla staram pak so tež hisće wo financy chóra. Kajka je twoja najlubša melodija? Repertoire je šěroki. Dosaha wot „Mikulecká dědina” hač do „Cyplkata Kata“. Njesměrnje rady pak tež melodije z wšelakich oratorijow… Weiterlesen Uwe Pjetaš
Štó sy? Sym Julija, sym so w lěće 2015 do Łužicy nawróćiła a w samsnym lěće do chóra zastupiła. Što je twój nadawk w Lipje? Sym z najnowšeho předsydka chóra. To rěka zo zhromadnje z cyłym předsydstwom organizatoriske nadawki wobstaram. Ale wažniše: spěwać z ćěłom a dušu! Kajka je twoja najlubša melodija? Definitiwnje „Bohemian Rhapsody“… Weiterlesen Julija Jankowscyna
Štó sy? Božena (Bětnarjowa) Što je twój nadawk w Lipje? Sobuskutkowanje w předsydstwje. Kajka je twoja najlubša melodija? To su wjele – na př. nowe sadźby kaž Quo vadis, Łužica! ale tež klasiske chórowe spěwy kaž Pućowanski spěw (Róža słuša do wěnca). Kajki spěw ći wokomiknje z wucha njechodźi? Přećelstwo Hdyž nimaš runje chórowu probu… Weiterlesen Božena Bětnarjowa
Štó sy? Sym Melanie Bulankowa (lětnik 1983), bydlu w idyliskej a tróšku zaspanej wjesce Kopšin. Spěwam z lěta 2012 w chórje, a sym z tutoho časa čłonka předsydstwa. Što je twój nadawk w Lipje? Mój nadawk w Lipje: So wo dobru nahladu w chórje postarać 😉 A w předsydstwje, přewozmu wšelake organizatoriske nadawki. Kajka je… Weiterlesen Melanie Bulankowa
Štó sy? Beno Waurich z Jawory Što je twój nadawk w Lipje? Jako spěwar sym tenor, w předsydstwje mam funkciju zapisowarja. Kajka je twoja najlubša melodija? „Zbytny čołm“, „Prši,prši“, a šće wjele wjele wjac… Kajki spěw ći wokomiknje z wucha njechodźi? „Jónu dyrbi to štož nas tyši swój kónc dóstać“ Hdyž nimaš runje chórowu probu… Weiterlesen Beno Wawrich
chor-lipa.com 