Štó sy?
Rěkam Uwe Pjetaš a přindu z Pančic.

Što je twój nadawk w Lipje?
Najprjedy jónu spěwam jara rady w Lipje. Připódla staram pak so tež hisće wo financy chóra.

Kajka je twoja najlubša melodija?
Repertoire je šěroki. Dosaha wot „Mikulecká dědina” hač do „Cyplkata Kata“. Njesměrnje rady pak tež melodije z wšelakich oratorijow spěwam.

Kajki spěw ći wokomiknje z wucha njechodźi?
To su přeco spěwy našeho posledneho wustupa.

Hdyž nimaš runje chórowu probu – hdźe najradšo spěwaš?
To njedawaja žane hranicy: doma, jutry na konju, druhdy w projektnych spěwnych skupinach, z přećelemi …

Što přeješ sebi za chór?
Mi lubi so wosebje ta zhromadnosć w našim chórje. Nadźijam so, zo to tež w přichodźe dale tak wostanje. Tohorunja přeju sebi, zo so nam dale tak poradźi, ludźi z našim spěwom zwjeselić.