Wot 16. – 18.09.16 běchmy w chórowym lěhwje we wustawje swj. Wjacława w Jawernik-Nechowje blisko Zhorjelca. Tam smy so zhromadnje z Judit Kubicec a solistami intenziwnje na předstajeni Serbskeho rekwiema přihotowali.

Sobotu popołdnju dojědźechmy sej z našimi swójbami do Hagenwerder a wobhladachmy sej wulki łopatokolesowy bager. To bě wosebje za dźěći wulke dožiwjenje. Podachmy so pěši dale k Berzdorfskim jězoru a wobhladachmy sej na wróćopuću wjesnu cyrkej w Tauchritz.