Wobrazy a impresije

Nalětni koncert 2017

 

Wčera 21.05.2017 je so nam w klóšterskej zahrodźe zaso rjenje spěwało! Słónco bjez kónca, musikaliskich přećelow a dobry publikum – što sebi wjac přeješ na nalětnim koncerće. Atmosfera je lóštna a přijomna – wjetše dźěći so wokoło hudźbnikow hrajkaja prjedy hač smědźa sami na wulke, wuuulke jewišćo a mjeńše palčiki pytaja sebi tež nadawk a přewzaja zamołwitosć dujersku kapału Horjany dirigować … a to z hakle jednym lětkom! Tak je hižo nětko jasnje, zo je musikaliski dorost zaručeny.

Derje mějachu sebi lětsa mužojo. Woni su publikumej raz jich ćeže ze swojimi žonami abo tež nic žonami skoržili – a publikum je sebi wšitko sćerpny naposkał. Tak móžemy so nětko z połnej paru dale do předewzaćow za naše jubilejne lěto dać …

Dźak ći, luba Franci, za wobrazy 🙂