Chór Lipa zahaji ze swojim koncertom w Slepom njedźelu, dnja 20. septembra 2026 rjad nazymskich koncertow Domowiny (cyłkownje je jich jědnaće). Na dešćikowym, wichorojtym popołdnju zawjeseli ćěleso přitomnych ze swojim pisanym programom.

Žurla nazymsce pyšeneho Serbskeho kulturneho centra w Slepom bě połnje wobsadźena. Zaklinčeli su znate serbske pěsnički, medlej oratorija „Nalěća“ Korle Awgusta Kocora ze solistami z rjadow chóra a moderna serbska popowa hudźba. Něhdźe 40 spěwarkow a spěwarjow chóra Lipa pod wuměłskim nawodom Jadwigi Kaulfürstoweje přewodźeše na klawěrje Jan Brězan-Hejduška. Moderaciju stej Fabian Hejduška a Fabian Kaulfürst přewzałoj, kotryž je nimo toho z publikumom zhromadnje zanjesene slepjanske štučki na akordeonje přewodźał. Wozbožny to zazběh do „złoteho počasa“! Dźak słuša wšěm, kotřiž su sobu přihotowali a wuběrnjej atmosferje přinošowali.